Vela Tradicional

Botadura do Bote de Pao

Hoxe foi un gran día para a vela tradicional en Ferrol. O noso amigo Juan Romero (Tío Mini) á fin puido botar o seu Bote de Pao ao mar.

Ante a ollada de amigos, compañeiros e familiares e ó son das gaitas, Tío Mini tiña todo listo para que ás 5 da tarde o Bote de Pao saíse ao mar.

Unha vez que o barco estivo a  flote, o patrón izou velas e puidemos ver esta preciosidade de embarcación tradicional navegar pola nosa ría.

Parabéns, Tío Mini e bos ventos para o Bote de Pao.